7 Up

Tveir spilarar sem losa sig við spil með því að rekja þau í bunka.
Álfarnir sjö í slitnum skóm

Markmið spilsins er að ná sjö spilum í sama lit á hendi.
Alkort

Tveir og tveir spila saman og reyna að vinna slagi. Spilin hafa annað gildi en venjulega og geta sjöur t.d verið mjög öflugar.
Búbbla

Markmið leiksins er að safna fjórum eins spilum (fernum). Sá sem er síðastur til að taka eftir því að einhver hefur blásið út kinnarnar fæ fyrsta bókstafinn í orðinu ,,búbbla“ og svo næsta ef þetta gerist aftur. Sá vinnur leikinn sem síðastur er til að mynda orðið ,,búbbla.“ Spilarar geta verið 4-13.
Félagsvist

Pör spila saman á borðum með sömu reglum og í vist. Fólk safnar slögum og það eru ákveðin tromp. Í lok spilsins færist fólk á milli borða. Sá sem hefur flest stig eftir að ákveðinn fjöldi leikja hefur verið spilaður er sigurvegari.
Forseti

Spilari í forhönd byrjar á því að leggja út spil í kastbunkann og má setja út eins mörg spil og hann vill. Spilin verða þó að vera með sama talnagildi. Spilarar leggja síðan út spil í kastbunkann, hver á fætur öðrum, og eiga þeir að leggja út eins mörg spil og spilarinn á undan gerði. Spilin þurfa að auki að vera annað hvort jafnhá eða hærri en efsta spilið í kastbunkanum. Sá spilari sem er fyrstur að klára spilin sín fær nafnbótina „forseti,” sá sem lendir í öðru sæti fær nafnbótina „vara-forseti,” sá sem er síðastur fær nafnbótina „skítur” og sá sem er næstsíðustur fær nafnbótina „vara-skítur.
Gúrka

Spil sem gengur út á að enda með sem lægst spil á hendi í lok hverrar umferðar. Sá sem endar með hæsta spilið leggur það til hliðar og eru spilin talin í lok hverrar umferðar. Þegar stigin fara yfir 21 hefur spilarinn tapað. Sá vinnur sem stendur einn eftir.
Hæ gosi!

Tveir spilarar fletta upp spilum úr bunka og gera ákveðna hluti þegar sum spil koma upp, þeir flauta t.d þegar drottning kemur upp. Sá sigrar sem klárar fyrr sinn bunka.
Kani

Tveir og tveir spila saman og er annað parið að reyna að ná ákveðnum fjölda slaga sem spilari hefur beðið um í byrjun. Parið sem spilar á móti sagnparinu reynir að sjá til þess að það lukkist ekki að ná slögunum.
Kan kan

Spilarar safna fjórum eins spilum í bunka fyrir framan sig og skipta á spilum við önnur sem eru fyrir miðju borðs. Þegar búið er að safna fjórum eins spilum í alla bunkana er bankað á þá og sagt: Kan kan 1, kan kan 2, kan kan 3, kan kan 4.
Kínversk skák

Spilarar reyna að losa sig við spil og safna röðum eða þrennum. Hægt er að skipta út spilum með jókerum. Markmiðið er að fá sem fæst stig.
Kleppari

Tveir spila á móti hvorum öðrum og fletta úr bunka og úr spilum sem þeir hafa lagt á borð fyrir framan sig. Sá vinnur sem fyrr klárar öll sín spil.
Kóngur úti í horni

Tveir spilarar reyna að losna við öll sín spil með því að rekja þau upp og niður á spil sem liggja í borði. Sömuleiðis má færa spil í borðinu á milli stokkanna sem þar myndast.
Langavitleysa

Tromp er valið í upphafi spils. Tveir spilarar reyna að fljótari en hinn að losna við öll sín spil með því að leggja spil í bunka á miðju borði. Ef tromp kemur upp hefur það þau áhrif að annar spilarinn tekur til sín spil úr bunkanum.
Lauma

Spilarar ákveða að safna fimm spilum í sama lit með því að lauma allir í einu spili sín á milli. Sá sem er fyrstur vinnur.
Lygari

Spilarar reyna að losa sig við öll sín spil með því að rekja þau upp og niður á borðið. Þeir mega svindla og ljúga því að öðrum leikmönnum að þetta sé rétta spilið.
Manni

Spilarar reyna að fá sem flesta slagi. Spilarar fá 12 spil og gefið er í þrjá bunka. Einn spilari má í upphafi spils velja að fá bunkann sem er aukreitis, sá bunki heitir Manni.
Marías

Spilarar ná slögum og nota tromp. Bara er notast við spil frá 7 og bara tían og upp úr gefa stig. Stigin eru gerð upp í lokin.
Merki eða Games

Tveir og tveir spila saman og koma sér saman um merki sem þeir geta gefið hvor öðrum þegar annar hvor er kominn með fjögur spil af sömu sort. Spilarar lauma spilum sín á milli þar til einhver er kominn með fjögur spil.
Ólsen ólsen

Spilarar byrja með fimm spil á hendi og stokkurinn er í miðjunni. Efsta spilið er lagt út. Spilarar spila út spili í sömu tegund eða breyta í aðra með áttu. Tilgangurinn er að losna við öll spilin sín og segja þá ólsen ólsen!
Ólsen ólsen upp og niður

Eftir spilagjöf er stokkurinn settur í borðið og efsta spili snúið við. Spilarar rekja stokkinn upp eða niður og eiga að losna við öll sín spil. Þegar spilari á eitt spil eftir á hann að segja ólsen og ólsen ólsen þegar hann er búinn.
Pakk

Tveir og tveir spila saman og safna slögum, þ.e fjórum spilum með sama talnagildi. Spilarar safna slögum með því að taka spil úr borði og henda á móti jafnmörgum spilum í borðið.
Póker

Fjárhættuspil sem gengur út á að vinna peningapott. Spilarar reyna að mynda sem besta samsetningar spila og vinna peningapott. Hér má sömuleiðis sjá mögulegar pókerhendur og styrkleika þeirra.
Púkk

Spilarar láta út spil fyrir ofan og/eða neðan spilið sem er úti. Sá vinnur sem klárar spilin sín og fær hann þá spilapeninga frá hinum, fyrir hvert spil sem þeir eiga eftir á hendi.
Rommí

Spil fyrir tvo til sex þar sem hver og einn reynir að setja saman raðir eða samstæður og loka síðan spilinu.
Skítakall

Spilarar leggja spil á borðið fyrir framan sig og hafa spil á hendi. Bunki er á borðinu miðju og þar rekja spilarar spilin. Ákveðin spil gegna sérstöku hlutverki. Markmið spilsins er að losna við öll spilin sín.
Svarti Pétur

Spilarar draga sér spil úr hrúgunni á miðju borðsins og vilja forðast að draga spaðagosann því þá verður spilarinn að Svarta Pétri. Sá sem er Svarti Pétur tapar en í raun er ekki sigurvegari í þessu spili bara tapari.
Tuttugu og níu

Spilarar leggja út spil í bunka á mitt borðið og á summa bunkans á að ná 29, hvorki meira né minna. Sá sem nær bunkanum í akkúrat 29 tekur spilarinn sem slag. Sá vinnur sem á flesta slagi í lokin.

Veiðimaður

Spilarar safna slögum með því spyrja hvern annan um spil eða draga spil úr hrúgunni sem er á miðju borðsins. Sá sem hefur flestu slagina eftir að öll spilin hafa verið ,,veidd" er sigurvegari.
Vist

Spil þar sem spiluð er vist á mörgum borðum og sitja fjórir við hvert borð. Sigurvegarar flytjast milli borða eftir ákveðnum reglum og sá sem hefur flest stig eftir ákveðinn fjölda leikja ber sigur úr býtum.
Þjófur

Spilarar hirða spil úr borði með því að leggja jafnhátt spil ofan á og geta líka tekið stokk frá mótherja ef þeir eiga jafnhátt spil og er efst í stokki mótherjans. Sá vinnur sem hefur flest spil í lokin þegar öll spil eru horfin úr borði.